Canciones Quechua

CANTOS DE SEMANA SANTA 1. HAKU MAMAY PURIRISUN Haku Mamay purirusun, Wawaykita maskhamusun. Haku Mamay sinchichasun Icharaqpas taripasun. Calvario orqo wichaytañas Wawaykita pusaskanku. Purisqaypin muspha muspha Weqeypiña rank`ukuni. 2. OH MARIA Oh Maria nonaq mamay, Llapa runaq kusi samin, Yanapaway pusapuway, Hanaq pacha wasinchisman, Mamanchispa angelninwan Mamanchista yupaychasun Llapa runaq siminchispi Ñukño sutin rawrarichun. Hanaq pacha, llunphaq Ñust`a, Angelkunaq yupaychanan Santukunaq llirpukunan, Apu Diospa, qhapaq Maman Huchasapaq suyakunan, Teqsi muyuq munay Maman, Wawaykita llanthuykuway Weqe pacha purisqaypi. 3. QOLLANAN MAMA Qollana Maria, Tuta k`anchaq qoyllur, Ñanta chinkachispa, !Ay! Qhawapayanayku Chayta unanchaspan Hiña huchasapa, Qhapaq sutiykita, !Ay! Qanmi Mamay kanki, Manchay munaykukuq, Qan kaqtillaykiñan, !Ay! Diosniy suyawashan.

4. MAMAY KHUYAPAYAWASPA Mamay khuyapayawaspa Jesusta nañaykapuway, Huchaymi qaparisparaq Condenakunki niwashan, Mamay, qantan Jesús Apuy Mamaypaq saqeykuwarqan, Cruz patapi wañuskaspan, “Chayqa Mamayki niwarqan”. Qan Mamay kashaqtikichus Huchayri condenawanman, ¿Sonqoykiri atimanchus Wawaykiq chinkarinanta? Yuyariy, Mamay yuyariy, Jesuspa kunakunayninta, Cruzpi wañuy p`itiskaspan Qanman saqeykukuwarqan. 5. REINA DEL CARMEN Reina del Carmen Kasqayki rayku, Nukñu Maria, Qhawarimuwayku. Tukuy runallan, Milagroykita, Willakuskanku Sumaq Señora Noqallapaqchus Mana kanmanchu, Khuyakuykiyki Wakcha kayniypi. 6. LLUNPAQ MARIA Llunpaq Maria Diosniypa Maman, Khuyakuyllawan Qhawarimuway. Jesus Wawayki Wañunayaqtin, Mamallaykupaq Kamarqasunki. Weqe pachapi Pisipar`oqtiy Qanllas Mamallay kallpanchawanki