Kasaulogan Sa Pulong Guide

KASAULUGAN SA PULONG PAGPAHILUNA SA BIBLIYA Alagad: Manindog kitang tanan. Magsugod kita sa atong Pagsa-ulog sa Pulong pinaagi sa pag-awit sa: DIOSNONG MAGTUTUDLO Diosnong magtutudlo, ania kami karon Binuksan ang kasing-kasing sa imong Pulong. Dinhi niining tigum imo kaming gitawag Aron lamang mabuhi sa imong mga hatag. Aron lamang mabuhi sa imong mga hatag.

RITO SA PAGSUGOD Alagad: + Sa ngalan sa Amahan, ug sa Anak, ug sa Espiritu Santo. Alagad: Mga igsoon: Karong adlawa, adlaw sa Ginoo. Maglipay kita sa Adlaw nga sama niini nabanhaw si Cristo atong Ginoo. Busa nagtigum kita karon dinhi sa iyang ngalan aron pagsaulog sa senemanang paghandum sa iyang Pagkabanhaw. Ang santos nga Misa mao ang labawng paagi sa pagsaulog sa Pagkabanhaw. Kon mahimo mosimba gayod sa Misa. Apan sanglit dili man kita karon makahimo niini, magsaulog lamang kita dinhi sa iyang Pulong, sayod nga Siya mao ang Dalan, ang Kamatuoran, ang Kinabuhi. Pinaagi ni Cristo, simbahon ug dayegon ta ang Amahan, basulan ta ug bayran ang atong mga sala. Magpasalamat kita tungod sa tanang mga kaayohan nga atong nadawat ug mangayo kita nga mapaubsanon sa mga grasya sa Dios.

Alagad: Aron maandam kita alang sa pagsaulog sa Pulong sa Dios mangayo kitag pasaylo sa tanan tang mga sala. Mohilum kitag makadiyot aron pagsusi sa atong mga sala batok sa Dios ug sa atong isigkatawo. (Hilom makadiyot)

Tanan: Nagakompisal ako sa Dios nga makagagahom sa tanan / ug

kaninyo, mga igsoon, / nga nakalapas ako ug dako uyamot / sa hunahuna, sa pulong, sa buhat ug sa wala pagbuhat sa kinahanglan buhaton. / Kay akong sala, / akong sala, / akong dakong sala. / Busa nangamuyo ako / kang Santa Maria, kanunayng Ulay, / sa tanang mga angel ug mga Santos / ug kaninyo mga igsoon / aron inyo akong iampo sa Ginoo nga atong Dios. KYRIE: KALOY-I KAMI GINOO Kaloy-i kami Ginoo, kay nakasala kami kanimo Ipakita ang imong kalooy ug luwasa kami Ginoo; Kristo, kaloy-i, kaloy-i kami; Kristo, kaloy-i, kaloy-i kami; Ipakita ang imong kalooy ug luwasa kami, Ginoo.

(Kung dili kantahon basaha ang musonod:) Alagad: Ginoo, kaloy-i kami. Tanan: Ginoo, kaloy-i kami. Alagad: Cristo, kaloy-i kami. Tanan: Cristo, kaloy-i kami. Alagad: Ginoo, kaloy-i kami. Tanan: Ginoo, kaloy-i kami.

Tanan:

(dili kantahon) Himaya sa Dios didto sa langit / Ug kadait

sa iyang mga tao dinhi sa yuta. / Ginoong Dios, Langitnong Hari / Dios Amahan, Makakagahum sa tanan / Nagisamba kami Kanimo / Nagapasalamat kami Kanimo. / Nagadayeg kami Kanimo / Tungod sa Imong himaya. / Ginoong JesuCristo, / Bugtong Anak sa Amahan / Ginoong Dios, Cordero sa Dios / Ikaw nagawagtang sa sala sa kalibutan: Kaloy-i kami / Ikaw nagalingkod sa tuo sa Amahan: / Dawata ang among pangamuyo. / Kay Ikaw lamang ang Santos / Ikaw lamang ang Ginoo / Ikaw lamang ang Halangdon / O JesuCristo / Uban sa Espiritu Santo diha sa / Himaya sa Dios Amahan. Amen.

PAG-AMPO O Ginoo, agaka ang mga hitabo sa kalibutan Diha sa imong kalinaw, Ug hatagi ang imong Santa Iglesia sa kalipay sa pag–alagad Kanimo Diha sa kagawasan. Kini among gipangayo Pinaagi ni Cristo among Ginoo. Amen.

LITURHIYA SA PULONG Alagad: O Amahan, sa karaang panahon misulti ka ngadto sa among mga katigulangan pinaagi sa mga propeta sa makadaghan ug sa nagkalainlaing mga paagi, apan karon nagasulti ka kanamo pinaagi sa imong Anak si JesuCristo. Tanan:

Sulti, Ginoo, kay maminaw kami.

UNANG PAGBASA (Manglingkod) Lectors: Ang unang pagbasa kinutlo gikan sa …

(Inigkatapus):

Lectors: Mao kini ang pulong sa Ginoo. Tanan:

Salamat sa Dios. ANG MGA PULONG Ang mga pulong mo O Ginoo Maglig-on unta sa among pagtuo Ug agaka kami sa pagtuman Sa imong mahal nga kasuguan (repeat)

IKADUHANG PAGBASA: EBANGHELYO (Manindog) Alagad: Ang santos nga Ebanghelyo sumala ni San ... Tanan:

Himayaon Ikaw, O Cristo.

(Human sa Ebanghelyo): Alagad: Mao kini ang Ebanghelo sa Ginoo. Tanan:

Dayegon Ikaw, O Cristo.

Alagad: Mubo nga kahilom ug pagpamalandong. Manglingkod kita.

(Human sa pagpa-ambit sa Ebanghelyo): Alagad: Manindog palihug. Tanan:

Nagatoo kami sa Dios, ang Amahan Makagagahum sa tanan

/ Magbubuhat sa langit ug sa yuta. / Nagatoo kami kang Jesucristo / Iyang Bugtong Anak, atong Ginoo. / Gipanamkon Siya sa lalang sa Espiritu Santo / Ug natawo kang Santa Maria nga Ulay. / Nag-antos Siya ubos sa sugo ni Poncio Pilato / Gilansang sa Kruz, namatay ug gilubong. / Minaog Siya sa mga nangamatay. / Sa ikatulong adlaw nabanhaw Siya. / Misaka Siya

sa langit ug nagalingkod sa too sa Dios Amahan / Makagagahum sa tanan. / Gikan didto mobalik Siya aron sa paghukom sa mga buhi ug sa mga minatay. / Nagatoo kami sa Espiritu Santo / Sa Santa Iglesia Katolika / Sa panag-ambit sa mga Santos / Sa kapasayloan sa mga sala / Sa pagkabanhaw sa lawas / Ug sa kinabuhing walay katapusan. / Amen.

PAG-AMPO SA KATILINGBAN Alagad: Amahan namo, nga anaa sa langit / ang Imong Anak nga si JesuCristo nagasaad kanamo; Bisan unsay inyong pangayuon sa Amahan sa Akong Ngalan / Iyang ihatag kaninyo; Nangamuyo kami Kanimo nga Imong pamation ang mga pag-ampo niining katalingban sa … (Lamac) nga Imong gipili nga imong kaugalingong mga sulugoon. 1.

Alang sa Santo Papa (_______________) alang sa atong Obispo (_______________), mga kaparian ug mga seminarista ug alang sa tanang nagbudlay sa imong Santa Iglesia, mangamuyo kita sa Ginoo.

Ginoo, patalinghogi kami. 2.

Alang sa among nasud ang Pilipinas ug sa iyang mga punoan, ug alang sa ubang mga nasud sa kalibutan, mangamuyo kita sa Ginoo.

Ginoo, patalinghogi kami. 3.

Alang sa among mga ginikanan, mga kaigsoonan, mga matinabangon namu og kahigalaan, alang sa mga kabus ug masakiton, mangamuyo kita sa Ginoo.

Ginoo, patalinghogi kami.

4.

Alang sa among mga igsoon nga nangahisalaag ug sa tanang mga dili-Katoliko ug alang sa mga nag-antus tungod sa tinohoan, mangamuyo kita sa Ginoo.

Ginoo, patalinghogi kami. 5.

Alang sa among mga igsoon nga patay na, pasudlon unta sila sa langitnong puloy-anan nga giandam alang kanila, mangamuyo kita sa Ginoo.

Ginoo, patalinghogi kami. 6.

Mag-ampo kita alang sa atong tagsatagsa ka tuyo (sa hilum isalig nato sa Dios ang atong mga tuyo) (Mubo nga kahilum)

Ginoo, patalinghogi kami.

Alagad: Mag-ampo kita. O Amahan, pamati-a ang among mga pag-ampo ug tugoti kami nga magpuyo sa Imong balaanong kinabuhi diha sa grasya, aron moabut ra ang adlaw nga mahiuban kami Kanimo diha sa himaya nga way-katapusan. Kini among gipangayo, pinaagi ni Cristo among Ginoo. Amen.

AWIT SA PAGHALAD (Manglingkod) (KOLEKTA)

DAWATA, O GINOO (OFERTORYO) Dawata, O Ginoo kining, among mga gasa, Timaan sa among gugma. Sagupa ug santosa. Kining pan ug kining bino ginama sa kamot sa tawo. Ang imong mga grasya bunga sa among pangaliya, Ihatag na kanamo, O Langitnong Amahan.

Sa tanan panalangini, sa kadaut panalipdi. Ang mahal mo nga lawas, ug bililhon mong dugo, Himoang kaluwasan, kinabuhi sa tanan.

PAG-AMPO SA PASALAMAT Alagad: (Tindog). Karon ibayaw ta ang atong mga kasingkasing aron pagpasalamat sa Dios alang sa tanang mga gasa nga Iyang gihatag kanato. Santos nga Amahan, giila namo ang Imong kahalangdon. Ang tanan Nimong mga buhat: ang adlaw ug ang buwan, ang mga bitton ug ang mga bukid, ang mga isda sa kadagatan ug ang mga langgam sa kalangitan, ang mga bulak sa kapatagan ug ang mga hayop ug mga mananap, ang tubig ug ang kalayo, ang hangin ug ang yuta: kining tanan nagpakita sa Imong gugma ug kinaadman. Ug tungod niini … (Tubag) Tanan: Nagpasalamat kami Kanimo, O santos nga Amahan. Alagad: Gibuhat Nimo ang tawo sumala sa Imong hulagway diin maila niya ang kamatuoran ug maangkon niya ang tinuod nga kagawasan. Ug Imong gitugyan kaniya ang tibuok kalibutan aron mag-alagad siya Kanimo lamang sa iyang Magbubuhat. Ug tungod niini ... Tanan: Nagpasalamat kami Kanimo, O santos nga Amahan. Alagad: Bisan pa og misukol siya ug misalikway Kanimo, wala nimo siya pasagdi nga magpabilin ubos sa gahum sa kamatayon, hinoon naluoy Ka sa pagtabang sa tanan sa pagpangita aron makakaplag Kanimo. Ug tungod niini ... Tanan: Nagpasalamat kami Kanimo, O santos nga Amahan.

Alagad: Sa makadaghan mitanyag Ikaw kaniya og panagsabut ug pinaagi sa mga Propeta Imo siyang gitudloan sa paglaum sa kaluwasan. Hilabihan kadako ang Imong paghigugma sa katawhan, O Amahan, nga imong gipadala ang Bugtong Nimong Anak aron pagtubos kanamo. Ug tungod niini ... Tanan: Nagpasalamat kami Kanimo, O santos nga Amahan. Alagad: Nahimo Siyang Tawo sa gahum sa Espiritu Santo, ug gianak Siya ni Maria nga Birhen, sama gayod Siya kanamo sa tanan gawas sa sala. Misangyaw Siya sa Maayong Balita sa kaluwasan ngadto sa mga kabus, sa kagawasan ngadto sa mga binilanggo, ug sa kalipay ngadto sa mga nagsubo. Ug tungod niini … Tanan: Nagpasalamat kami Kanimo, O santos nga Amahan. Alagad: Aron pagtuman sa imong pagbuot, nagpakamatay Siya, ug unya sa Iyang pagkabanhaw, gigun-ob Niya ang kamatayon ug giuli Niya ang kinabuhi. Gipadala Niya ang Espiritu Santo, ang Iyang unang gasa sa mga nagatuo Kaniya aron paghingpit sa Iyang buhat dinhi sa yuta ug pagpuno sa grasya. Ug tungod niini ... Tanan: Nagpasalamat kami Kanimo, O santos nga Amahan. Alagad: Pinaagi niining maong Espiritu Santo mahiusa kami uban Kaniya diha sa Iyang Katiguman nga Balaan. Ug kay gidihogan man kami maingon ni Cristo nga pari, propeta ug hari, makatuman kami sa iyang sugo sa paghigugmaay pinaagi sa pag-alagad sa among isigkatawo, ug pinaagi sa pagsaksi sa kamatuoran diha sa pulong ug sa buhat. Ug sa ingon niana mahimo kami nga balaan. Ug tungod niini ... Tanan: Nagpasalamat kami Kanimo, O santos nga Amahan.

Alagad: Mangluhod kita.

PAGHANDUM SA PAGHALAD NI CRISTO Alagad: Mga igsoon, hiniusa sa atong isigka-kristiyanos didto sa Simbahan sa atong parokya ug sa tibuok nga kalibutan nga karong taknaa nagahalad sa santos nga Misa, mag-ampo kita. Tanan: O langitnong Amahan / naghandum kami sa buhat ni Cristo /

Imong Anak / nga makaluwas kanamo. / Naghandum kami sa kamatayon ni Cristo / sa Iyang pagkabanhaw / ug sa Iyang pagkayab nganha sa langit. / Nagpa-abot kami sa Iyang mahimayaong pagbalik pag-usab / aron pagdala kanamo ngadto sa Imong gingharian. Amen. O santos nga Amahan / uban sa halad ni Cristo nga among igsoon / ihalad namo Kanimo / ang among tibuok nga kinabuhi. Kami Imong gitudloan / nga bisan unsay among buhaton / sa ngalan ni Cristo / usa gayud kana ka pag-ampo. / Ihalad namo ang among inadlawng buluhaton: … ang among panginabuhi … … ang among pag-amuma sa tagsa-tagsa ka banay … … ang tanan namong kasakit ug kalipay … … ang among paghago ug pagpahulay … … ang among kadaugan ug kapakyasan … Panalangini kining among halad / ug himoang takus / aron sa ingon niini kami magabulig kanimo / sa pagsantos ug pagbag-o sa among kaugalingon / ug sa katilingban nga kristohanon. / Kini among gipangayo / pinaagi ni Cristo among Ginoo. / Amen. Alagad: Manindog kita.

PANGANDAM SA PAGPANGALAWAT Alagad: Karon mag-ampo kita sa Amahan. Atong gamiton ang mga pulong nga gitudlo kanato sa atong Manunubos: Tanan:

Amahan nama, Nga anaa sa mga langit, Pagdaygon ang

Imong Ngalan, Umabot kanamo ang imong gingharian, Matuman ang imong pagbuot, Dinhi sa yuta maingon sa langit. Ang kalan-on namo sa matag adlaw, Ihatag kanamo karong adlawa, Ug pasayloa kami sa among mga sala, Ingon nga nagapasaylo kami sa mga nakasala kanamo; Ug ayaw itugot nga mahulog kami sa panulay, Hinunua luwasa kami sa dautan. Amen. Alagad: Mangayo kami Kanimo, Ginoo, nga imo kaming luwason sa tanan dautan. Hatagi kami sa kalinaw niining panahona, aron, tinabangan sa imong kalooy, mahalikay kami kanunay sa sala ug mahilayo sa tanang kasamok samtang nagapaabot kami nga malaumon sa pagbalik ni JesuCristo, among Manunubos. Tanan:

(Awiton). Kay imo man ang gingharian, Ang gahom ug ang

himaya, hangtod sa kahangturan. Alagad: Ginoong JesuCristo, nagaingon Ka sa Imong mga Apostoles: “Ang kalinaw ibilin Ko kaninyo, ang akong kalinaw ihatag Ko kaninyo.” Ayaw tan-awa ang among mga sala, kondili ang pagsalig sa Imong Simbahan ug sibo sa Imong kabubut-on hatagi kami sa Imong kalinaw ug kahiusa, Ikaw nga buhi ug hari hangtod sa kahangturan. Amen. Tanan:

Amen.

(Timaan sa Kalinaw) Alagad: Ipakita ta ang pag-inigsoonay. Ang panagdait maanaa kaninyo. Tanan:

Maanaa usab kanimo.

(whasing of hands…) KORDERO Kordero sa Dios nga nagawagtang Sa mga Sala sa kalibutan, Kaloy-i kami Kordero sa Dios nga nagawagtang Sa mga Sala sa kalibutan, Kaloy-i kami Kordero sa Dios nga nagawagtang Sa mga Sala sa kalibutan, Hatagi kami sa kalinaw.

Alagad: Ginoong JesuCristo, Anak sa Dios nga buhi, gikan sa kabubuton sa Amahan ug binuligan sa Espiritu Santo, gihatagan mo ug kinabuhi ang kalibutan pinaagi sa imong kamatayon. Pinaagi sa imong santos nga Lawas ug Dugo luwasa ako sa akong mga sala ug sa tanang dautan. Himoa nga sa kanunay magtuman ako sa mga sugo, ug ayaw gayod itugot nga mahimulag ako kanimo.

PAGKALAWAT (The Lay Minister genuflects, takes The Blessed Sacraments, raises it slightly over the Pyx, facing the people and say aloud) Alagad: Kini mao ang Kordero sa Dios, nga nagawagtang sa mga sala sa kalibutan. Bulahan ang gidapit alang sa panihapon sa Ginoo. Tanan:

Ginoo, dili ako angay nga mokalawat Kanimo, apan

ipamulong mo lamang ug mamaayo ako.

Alagad: Ang lawas ni Cristo mag-amping kanato alang sa kinabuhing dayon. KINI MAONG AKONG LAWAS Koro: Kini maong Akong Lawas, Nga 'kong gihatag sa inyong kaluwasan. Dawata kini, dawata kini sa Akong handumanan. Kini ang Akong Dugo, giula sa inyong kapasayloan. Dawata kini dawata kini sa Akong handumanan. 1. Niining langitnong kalan-on gidawat sa kabus. Ang saad nga wa'y kapakyasan sa namatay sa krus. (Koro) 2. Niining langitnong kalan-on kita makadawat. Kalinaw nga iyang kabilin kabaskug sa kalag. (Koro)

KATAPUSAN NGA SAGRADO Alagad: Manglingkod kita.

KATAPUSAN PAG-AMPO Alagad: Manindog kita. Alagad: Ang atong Kasaulogan sa Pulong hapit na matapus. Hinaut unta nga sa sulod niining semanaha, magtuman kita niining pahimangno ni Cristo: “Pahigugmaay kamo. Ingon nga nahigugma ako kaninyo, paghigugmaay usab kamo. (Jn. 13, 34) Nahigugma ako kaninyo ingon nga ang Amahan nahigugma kanako, pabilin kamo sa akong gugma. Kon tumanon ninyo ang akong mga sugo magpabilin kamo sa Akong gugma ingon nga Ako nagtuman sa mga sugo sa akong Amahan ug nagpabilin sa Iyang gugma.” (Jn. 15:9-10) O Santos nga Amahan, karon amo nang tapuson ang Pagsaulog sa Pulong,

kanus-a

gilig-on

namo

ang

bugkos

sa

among

pagkamanagsuon.

Magpabilin

unta

kami

na

madaiton

ug

managhiusa. Hinaut unta nga ang Imong mga pulong nga among nadungog karong adlawa magpabilin dinhi kanamo nga maoy among tamdanan karong semanaha. Nianang paagiha ang Imong kabubuton maoy matuman sa among kinabuhi. Panalangini kami, O Ginoo. Alagad: Manalangin kanato ang Dios Amahan + Anak + ug Espiritu Santo

/ ug magpabilin hangtund sa kahangturan. Amen. Alagad: Manindug ug awiton nato: (katapusang awit).

HOY TAWO

ADIOS RAYNA SA LANGIT

Hoy! Tawo, nasayod ka ba,

Adios Reyna sa Langit

kon asa ang imong padulngan.

Bitoon na masiga

Dinhi sa kalibutan lumalabay ka lang

Adios Inahan dalaygon

naninguha ka ba sa kaluwasan?

Adios, adios, adios

Sud-onga ang imong mga buhat

(balikon ang tanan ug …. adios,

adios.) kalipay baang imong nahatag. Dinhi sa kalibutan lumalabay ka lang Paninguha sa imong kaluwasan. Hoy! Tawo, nalantaw mo ba ang (Kangitngit/Kasakit gumikan sa sala. Nagpatalinghog ka ba sa inagulo saimong igsoon. Hoy! Tawo, nasayod ka ba sa imong padulngan. (Rep. All) Hoy! Tawo, nasayod ka ba sa imong padulngan?

PAGKA-ANINDOT Pagka-anindot sa atong banay, kung ang tanan magkahigugma-ay way pagsumpakiay. Pagkabulahan kung may pagtinabangay mao kini ang diwa sa gugma sa Dios makalipay KORO: Mao kini ang damgo sa usa’g-usa ang magpuyo ta sa Kristohanong diwa Pagka-anindot sa atong banay, kung ang tanan magkahigugmaay way pagsumpakiay. Pagkabulahan kung may pagtinabangay mao kini ang diwa sa gugma sa Dios makalipay (repeat Koro) CODA: Sa Dios makalipay…. Sa Dios makalipay